ВМРО-ДПМНЕ: Грижата на СДС кон земјоделците е лицемерна, пари има
Објавено во: Македонија 13 Април, 2017
Тиранската платформа за криминогеното раководство на СДС е поважна отколку судбината на земјоделците и иднината на Република Македонија, соопшти ВМРО ДПМНЕ реагирајќи на изјавата на Љупчо Николовски од СДСМ кој на прес-конференција рече дека земјоделците и нивните семејства се оставени без субвенции во време кога им се најпотребни за вложувања.
- Грижата на СДС кон земјоделците е лицемерна. Затоа криминалецот Заев ги испраќа своите послушници по којзнае кој пат да се обидат да ја изманипулираат јавноста. Тие се прочитани и одамна осудени и од земјоделците и од целиот народ. Земјоделците знаат дека единствено ВМРО ДПМНЕ се грижи за нив и подобрување на нивниот стандард. За разлика од СДС кој за време на нивното владеење имаше издвоено нула евра за субвенции, за време на владеењето на ВМРО ДПМНЕ како субвенции на земјоделците им се доделени преку една милијарда евра, пишува во соопштението-реакција на ВМРО ДПМНЕ.
Партијата наведува дека ќе стори се за, како што пишува во реакцијата, да ја надмине деструктивноста на СДС со што нивниот труд ќе биде соодветно валоризиран, односно ќе ги добијат заслужените субвенции.
- Пари во буџетот за субвенции има. Тие се програмирани и треба да бидат исплатени. Очигледно е дека СДС нема намера да се откаже од тиранската платформа и од политиката спротивна на највисоките државни и национални интереси. Како што не им успеа да ја протнат тиранската платформа во Собранието, така нема да им успее да ја блокираат државата, пишува ВМРО ДПМНЕ во соопштението со кое реагира на прес-конференцијата на Љупчо Николовски.
Можеби ќе ве интересира
Mаксимумот на температурата денес до 29 степени, во Скопје до 27 - но нестабилно: Ова е временската прогноза
ФАКТОР НА ДЕНОТ: Таравари најави дека до петок ќе има конечен договор со ВМРО-ДПМНЕ за формирање Влада
ТАРАВАРИ: Се очекува до петок да се постигне финален договор за формирање на Влада
OJO: Поведена постапка за насилство во училиште во Битола каде маж тепал дете, а жена му ја држела наставничката
Две обвиненија за Мерко, поставувал некомпетентни директори на училишта
ЗА ПАЛЧО СЕ ОГЛАСИЈА ОД КРИВИЧЕН СУД: Судија на претходна постапка во координација со Јавен обвинител, ќе издаде наредба за спровод за негово произнесување
Екстрадиран кондовскиот терорист Бесим Красниќи во Македонија
ЈАНЕ ПЕТКОВСКИ И ЕЛИЗАБЕТА СТЕФКОВСКА ГО НАПУШТИЈА СДСМ ВО СОВЕТОТ НА КИСЕЛА ВОДА - градоначалникот Ѓорѓиевски им изрази благодарност
