Владиниот национален координатор Пивоваров стравува од огромен наплив на бегалци во Македонија
Објавено во: Македонија 29 Февруари, 2020
Владимир Пивоваров, национален координатор за гранично управување избран од Владата, стравува дека Турција веќе пропушта огромен бран на бегалци низ балканската рута и дека истите може да предизвикаат економски, здравствени и безбедносни проблеми за Македонија.
- Знаеме дека земјите во кои беа главните кампови можеа да ги искористат емигрантите за политичко влијание. Се случи тоа од што сите стравувавме и Турција ги пушти бегалците како илегални емигранти во Европа. Опасноста е во тоа што може да станува збор за силен наплив од милиони бегалци. Тука се и трговците кои прават нови рути, а нас не засегнува онаа балканската рута, вели Пивоваров во вестите на Канал 5.
Тој сепак смирува дека институциите веќе се подготвени и искоординирани, но сепак без помош соодветна помош од ЕУ работите ќе одат тешко за земјата, особено со најавите за строго контролирање на српско-унгарската граница.
- Центарот за управување со кризи има работен тим за можен наплив во голема бројка. Ќе биде многу тешка ситуацијата. Многу тешко е да се спречи голем број на бегалци одеднаш на самата граница. Но ние сме подготвени да покажеме дека сме дел од Европа и дека можеме да бидеме ефикасни. Информациите се дека на унгарско-српската граница им целосно воено-полициско присуство и во таква ситуација голема е можноста таквите лица да останат во земјите низ кои само имаат намера да транзитиораат. Безнедносно, здравствено и економски може да претставува сериозен проблем за нас. Се надевам на голема помош од ЕУ, објасни владиниот функционер.