28 Септември, 2022
0.0301

Владата објави: „Еколог“ за 130 милиони евра ќе произведува електрични возила во Тетово

Објавено во: Економија 11 Август, 2022

Добивај вести на Viber

Првиот вицепремиер Артан Груби објави дека домашната интернационална компанија „Еколог“ ќе произведува електрични возила со Next e.Go Mobile во Тетово, а инвестицијата ќе биде 720 милиони евра.

„На годишнината од Охридскиот мировен договор, во сабота на 13 август ќе поставиме камен-темелник на новата фабрика со современа технологија за производство на електрични возила во Технолошко-индустриската развојна зона во Тетово.

На денешната владина седница одобривме државна помош за оваа инвестиција од 130 милиони евра, со што се отвораат 3000 до 4000 нови работни места“, напиша министерот за политички систем без да прецизира колкава ќе биде државната помош.

Домашната интернационала компанија „Еколог“ која оперира во светски рамки, на својата адреса во Тетово на улица „Индустриска“ ја доби како новорегистрирана германската старт-ап компанија Next e.Go Mobile позната по тоа што се занимава со производство на мали електрични возила, напиша веќе претходно „Фактор“.

Оваа компанија пред точно една година објави дека ќе инвестира 140 милиони евра во производство на електрични возила во Бугарија. Оваа вест ја потврди тогашниот бугарскиот министер за економија Кирил Петков, инаку доскорешен премиер на Бугарија.

Фабриката ќе се отвори во 2023, а истата ќе се наоѓа северно од градот Ловеч. Во истата ќе работат околу илјада работници. На потпишувањето на меморандумот беше и Али Везвеи, прв човек на Next e.Go, кој исто така е и извршен директор на тетовската компанија Ecolog International.

Next e.Go на пазарот на електрични возила ќе се позиционира на мали градски нискобуџетни возила, а амбициите на овој нов производител е да постигне годишно производство од 20 илјади електрични возила.

Петков тогаш како министер за економија рече дека бугарската влада ќе обезбеди вкупно 34 милиони евра за поддршка на германскиот Next.e.GO во три транши. Првиот ќе биде платен кога компанијата ќе почне да ги произведува своите електрични автомобили, вториот - кога ќе достигнат 10.000 автомобили, а последниот со 20.000 автомобили годишно. 

Од „Еколог“, по испратените прашања од „Фактор“, засега не сакаат да одговорат дали Next e.Go Mobile има амбициозни планови во Македонија, или Тетово ќе биде само придружен логистички центар.

Регистрираната дејност од 1 август е „производство на моторни возила“, а за управител е именуван Фабијан Вајсенборн.


Можеби ќе ве интересира

АКО НЕ СЕ ОБЕЗБЕДИ ГАС ОД СРБИЈА, ТОПЛАНИТЕ ЌЕ РАБОТАТ НА МАЗУТ - советникот на Владата за енергетика ветува парно за скопјани на 15 октомври

АКО НЕ СЕ ОБЕЗБЕДИ ГАС ОД СРБИЈА, ТОПЛАНИТЕ ЌЕ РАБОТАТ НА МАЗУТ - советникот на Владата за енергетика ветува парно за скопјани на 15 октомври

Генерали Инвестментс: Внимателно, неизвесноста и нестабилноста на пазарите се високи

Генерали Инвестментс: Внимателно, неизвесноста и нестабилноста на пазарите се високи

Францускиот амбасадор во официјална работна посета на „Алкалоид“

Францускиот амбасадор во официјална работна посета на „Алкалоид“

Владата ќе набавува централа што ќе произведува струја од дизел

Владата ќе набавува централа што ќе произведува струја од дизел

ВМРО-ДПМНЕ со предлог за законски измени: Комуналните претпријатија, училиштата и болниците не смеат да плаќаат струја на слободен пазар

ВМРО-ДПМНЕ со предлог за законски измени: Комуналните претпријатија, училиштата и болниците не смеат да плаќаат струја на слободен пазар

ССМ: ИНСПЕКТОРИ ВО КОНТРОЛА НА ВОДОВОД И КАНАЛИЗАЦИЈА, стотина фамилии без егзистенција

ССМ: ИНСПЕКТОРИ ВО КОНТРОЛА НА ВОДОВОД И КАНАЛИЗАЦИЈА, стотина фамилии без егзистенција

Владиниот советник Виктор Андонов открива: Гасот ќе го купиме од Србија

Владиниот советник Виктор Андонов открива: Гасот ќе го купиме од Србија

Зошто Путин сака да го разнесе Северен тек?

Зошто Путин сака да го разнесе Северен тек?

Мапирање на ИТ индустријата во Македонија: Кој е најпопуларен програмски јазик?

Мапирање на ИТ индустријата во Македонија: Кој е најпопуларен програмски јазик?