Владата му порача на ЈО итно да постапува по предметите поврзани со одлуките за спречување на корона
Објавено во: Македонија, Корона Вирус 15 Март, 2020
Владата му препорача на Јавното обвинителство итно и приоритетно да постапува по предметите што се во врска со одлуките и мерките за спречување на коронавирусот.
Како дополнување на заклучоците и препораките од 19-тата седница, Владата упатува препорака до Јавното обвинителство да даде упатства и препораки за итно и приоритетно постапување на сите јавни обвинителства во државата во постапките процесуирани од страна на надлежните институции во врска со донесените одлуки, мерки и препораки од страна на Владата на Република Северна Македонија, и другите надлежни државни институции.