Владата ќе потроши 52.000 евра за нов стилски мебел!
Објавено во: Економија, Финансии 22 Јануари, 2016
Во стилот на Луј XV и 30-тите години Владата ќе се подновува со нов мебел.
Како што пренесува Вест, а е објавено на страницата на Бирото за јавни набавки Владата распишала оглас и ќе набавува мебел и на теписи за владината зграда.
За таа цел се планира да се потрошат 52.000 евра.
Според тендерската спецификација, како мебел за одмор треба да се набави една маса, со можност за пуштање, во француски стил од периодот на Луј XV . Тоа е француски рококо стил од првата половина на 18 век, поточно од 1720 до 1760 година. Во огласот се нагласува дека ногарките треба да се изработени од масивно дрво, со карактеристична горна заоблена и исфрлена кон надвор форма во истиот стил. За масата ќе се набават и 12 столови кои треба да бидат во стилот на '30-тите години, иако не е точно наведено на кој век се мисли. Како мебел за одмор ќе се купуваат и аголна гарнитура, фотелја и клуб-маса во модерен стил , пишува Вест.