Компанијата планира да аплицира за дозвола за своите обични акцции на премиерниот сегмент од официјалната листа на финансискиот кондуктивен суд и да тргува со нив на главниот пазар на хартии од вредност на лондонската берза .
Глобалната понуда ќе опфаќа обични акции од компанијата за да го продолжи растот на проценети 150 милиони долари и со продажба на акции на веќе постоечките инвеститори.
Исто така е очекувано со исполнувањето на условите компанијата да биде достојна за вклучување во „FTSE UK Index Series“.
Глобалната понуда се очекува да започне во првиот квартал од 2015 година.
Според компаниските предвидувања, растот на нивниот бизнис ќе продолжи и годинава затоа што се повеќе патници од Централна и Источна Европа го користи авио превозот, а присуството на нискотарифните компании е помало во однос на Западна Европа.
До 2017 година оваа компанија планира зголемување на авио флотата од сегашните 54 на 65 „ербаса“.
Визер во првиот квартал на изминатата година забележа приходи од една милијарда евра и нето профит од 89 милиони што значи три пати повеќе од годината пред неа.
Визер е најголема нискобуџетна авиокомпанија во Централна и Источна Европа, нејзините авиони полетуваат од 19 бази на 110 аеродроми во 38 држави а само минатата година Визер превезе 15,8 милиони патници.
На видео конференција овие податоци беа соопштени денеска а на неа учестуваа новинари од 9 земји (Бугарија, Чешка, Полска, Романија, Латвија, Литванија, Босна и Херцеговина, Србија и Македонија).
Извршниот директор на Визер изјави дека е задоволен од развојот во Македонија и од бизнисот со скопскиот аеродром .
Во однос на забелешките за субвенционирање на превезен патник од страна на македонската Влада, Варади вели дека овој процес се одвива во транспарентна тендерска постапка и дека тука нема никаков проблем.