ВИДНИ ВМРОВЦИ СО ПОДДРШКА ЗА ЛИДЕРОТ МИЦКОСКИ - му порачаа побрзо да закрепне и да не се предава
Објавено во: Македонија 07 Март, 2021
Најблиските партиски соработници на лидерот Христијан Мицкоски во ВМРО-ДПМНЕ, вчера вечерта, откако тој објави дека е во болница каде е во тешка состојба поради коронавирусот, но ќе продолжи да се бори против СДСМ, му изразија целосна поддршка.
Тие на своите фејсбук профили објавија зборови на охрабрување и поддршка за тоа што не се предава, но и што не ја прифаќа идејата на Зоран Заев, споделувајќи го неговиот пост на фејсбук.
Му посакаа и добро здравје на партискиот лидер и брзо закрепнување.
Александар Николовски, потпретседател на партијата, на фејсбук напиша.
„Искрено и отворено со директна порака до Заев од соба во инфективната клиника каде Претседателот Мицкоски се бори со короната. Му посакувам добро здравје, а потоа заедно ќе го победиме Заев и ова зло што ја надвисна Македонија!“, вели Александар Николовски.
Александар Пандов, претседател на Патриотскиот форум на ВМРО-ДПМНЕ, пишува.
„Браво претседателе! Само така со предавниците и криминалците, остро и на прва. П.С.Ти посакувам брзо опоравување!“, напиша Александар Пандов.
Гордана Димитриеска Кочовска, членка на Извршниот комитет на ВМРО-ДПМНЕ и блиска соработничка на Мицкоски, напиша.
„Никогаш, ама баш никогаш не можат да живеат заедно: правдата и неправдата, криминалот и чесноста, љубовта кон татковината и љубовта кон парите, почитта кон родителите и невоспитаноста најчесто стекната во детството, дадениот збор и нестабилноста. Доаѓа ден кога овој народ конечно ќе може да живее почесно, подостоинствено, повоспитано, праведно и со заслужена казна на секој за своите злодела. Тој ден е сѐ поблиску. Нормално е криминалците да бидат здружени и против секој кој ќе им застане на патот, затоа што тие се невоспитани, неправедни, безбожни и себични. Но, народот е многу поброен од оваа багра која единствено се грижи за својата сметка во банка. Народот ќе се избори, доста му е од угнетувања со векови. Македонија го заслужува тоа!“, напиша Кочовска.Дел од партиските членови, пак, само го споделија постот на Мицкоски.
Можеби ќе ве интересира
ФАКТОР НА ДЕНОТ: Ковачевски демантира дека се спрема бојкот за претседателските избори
ПЕТРОВСКА ВЕЛИ ДЕКА ВМРО-ДПМНЕ ГО ЗАМЕНИЛА ИМЕТО МАКЕДОНИЈА ВО СТАТУТОТ СО „ДРЖАВАТА“: Стојаноска сe закани дека ќе ги фрли листовите
КАСАМИ: Ќе има европска влада во која коалицијата „Влен“ веќе е најавено дека ќе биде дел
БУГАРСКИ ДНЕВНИК: Странска интервенција од неочекуван правец ги смени македонските избори
ЛЕВИЦА: Ќе изградиме споменик за бранителите од Вејце
ДЕМИРИ: Ако Клиниката за токсикологија не била осигурaна, менаџментот треба да преземе одговорност
Ковачевски: По изборите ќе има партиски избори во СДСМ
„НЕ НИ ЛИЧИ НА НАМ ОД СДСМ ДА ЗАСТАНЕМЕ И ДА НЕ СЕ БОРИМЕ“: Спасовски преку фејсбук мобилизира, „Не смееме да се откажеме од иднината“
