(ВИДЕО+ФОТО) ЗЕМЈАТА ЛИЧИ НА ПУСТОШ: Драматични слики по земјотресот, се трага по исчезнатите
Објавено во: Свет 16 Декември, 2019
Пет луѓе загинаа, по седум се трага, а земјата е претворена во пустош.
Вака изгледаат Филипините по разорниот земјотрес од 6.9 степени кој вчера ја стресе земјата. 84 луѓе се повредени во земјотресот. Еден поголем град и четири помали близу епицентарот на потресот и денеска се без струја. Училиштата се затворени и нема да работат додека не се провери дали се безбедни објектите.
Во Падада во провинцијата Давап дел Сур, спасувачите трагаат по телата. По главниот удар имало 90 послаби потреси. Сепак, опасност од цунами нема.
За неколку месеци во истиот дел на Филипините имаше три силни земјотреси, при што загинаа луѓе, а имаше и материјални штети.
Кон крајот на јули годинава имаше серија силни земјотреси.
Во светот денеска силни земјотреси имаше на Суматра во Индонезија и на Соломонските острови. Тоа се потреси од 5.5, односно од 5.6 степени.