(ВИДЕО) Вонредна состојба во САД – Најмалку девет жртви, 1,5 милиони луѓе без електрична енергија
Објавено во: Свет 04 Март, 2018
Моќната бура што удри во источниот дел на САД досега одзема најмалку девет животи, а 1,5
милиони луѓе останаа без електрична енергија. Невремето предизвикало големи поплави, а забележани се ветрови од
145 километри на час.
Гувернерите на државите Масачусетс и Њујорк прогласија вонредна состојба, а претходно тоа го сторија и гувернери на Мериленд и Вирџинија.
Националната метеоролошка служба објави дека ветровите
денеска се ослабени и дека постои голема веројатност високата плима да ги погоди Мајн, Масачусетс, Роу Аленд и Лонг
Аланд, објави Ројтерс.
Меѓу загинатите се и две момчиња – едното на возраст од 9
години од Вирџинија, а другото е 11-годишно
од Њујорк. Двајца мажи од Вирџинија и
Њупорт загинале од пад на дрва предизвикан од олујата, додека 77-годишната
жена настрадала пред нејзината куќа во близина на Балтимор.
Новата бура која е наречена "Windmagedon", ја зафати областа од
Северна Каролина до Мејн.
Фотографиите и снимките од паднатите дрвја се објавуваат во
голем број на социјални мрежи.
Авиокомпаниите во североисточниот дел на САД откажаа повеќе од 2.800 летови, додека аеродромите во градот Њујорк се речиси во целосен застој.
Сојузната влада на еден ден ги затвори сите канцеларии во областа Вашингтон, соопшти американската агенција.