ВИДЕО: ВО БЕЛГРАД ПОЛНА КАФЕАНА - се игра и се лудува без маски
Објавено во: Балкан 18 Мај, 2020
Локалите во Србија стартуваа со работа на четврти мај.
Кај нас се уште се очекува Владата да соопшти кога ќе се отворат кафеаните, рестораните и кафулињата.
И додека кај нас се чека, во дел од локалите во Белград изгледа дека посетителите сериозно се опуштиле, веројатно чекајќи долго, односно два месеци на овој момент, после рестриктивните мерки и не работењето на локалите.
Тоа го покажува видеот кое вчера доцна синоќа беше објавено во една од фејсбук групите во земјава насловена како „Нема кафана, нема мир“.
Членот што го објавил видеото во еден часот после полноќ пишува „Белград вечерва“.
Немаме информации дали видеото е токму од вчера вечерта од локал во Белград.
На него се гледа како граѓани, претежно млади, во еден локал се веселат, играат, а може да се забележи дека не носат маски и не внимаваат многу на социјалната дистанца.
Погледнете го видеото.
https://www.facebook.com/darko.dzartovski.3/videos/10223197444541875/
Дел од коментарите во групата се дека и кај нас ќе дојде до овој момент, а некои очекуваат дека властите во земјава денеска ќе донесат одлука за продолжување на полицискиот час, наместо до 19 часот како што е сега, да биде до 21 часот.
И додека се чека на олабавување на мерките кои би значеле отворање на локалите, состојбата со коронавирусот не е толку оптимистичка. Имено, и во Србија, а и кај нас, деновиве се забележува раст на бројот на заболените.