(ВИДЕО) Убиецот од Берлин пее пред нападот?
Објавено во: Свет 22 Декември, 2016
Два дена по терористичкиот напад во Берлин, германските медиуми наишле на снимка од осомничениот напаѓач Анис Амри (24) од Тунис.
Снимката е објавена во септември, а на неа се гледа како весело момче, за кое се претпоставува дека е Анис, пее песна и шета по берлинскиот округ Фририхшајн-Кројцбург. Овој округ е познат по барови и ноќни клубови.
Амри е осомничен за напад во кој прегази 12 лица, а повреди десетици. Полицијата ги нашла неговите документи во камионот кој удри луѓе на божиќниот базар. Подоцна е соопштено дека се пронајдени и негови отпечатоци од прстите на вратата на камионот.
Пред да појде во Германија, Амри издржувал четиригодишна затворска казна во Италија заради подметнување пожар. Од затворот е пуштен бидејќи не било возможно да се депортира во татковината, пренесоа италијанските медиуми.
По овој напад безбедноста во Германија е разнишана.