Добивај вести на Viber
Бројот на загинати рудари во експлозијата што се случи вчера во рудник во западната турска провинција Маниса, се искачи на повеќе од 200 лица. Уште повеќе од 100 рудари се затрупани во рудникот.
„Евакуиравме 200 лица, но времето не е на наша страна“, вели турскиот министер за енергетика Танер Јулдиз. Најголем број од рударите загинале како последица на труење со јаглерод моноксид, бидејќи по експлозијата бил прекинат дотокот на воздух во рудникот.
Како причина за експлозијата се наведува експлозија на дефектна трафостаница, која предизвикала пожар во површинскиот коп. Рударите останаа заробени на два километри под земја и на околу 4 километри од излезот од окната.
Турскиот премиер Реџеп Таип Ердоган ја откажа за денеска планираната посета на Албанија и ќе го посети рудникот во Сома.
http://www.youtube.com/watch?v=rF5VlukQkCs