(ВИДЕО) Со кран го кренаа автобусот, увидот ќе продолжи
Објавено во: Македонија 14 Февруари, 2019
Автобусот кој се преврте вчера попладне кај Карпалак се крева со кран, и ќе се носи во касарната во Ѓорче Петров.
Таму ќе продолжи увидот и ќе се собираат докази за да се утврди како се случила сообраќајката кај селото Ласкарци на патот Скопје-Тетово.
Денеска или утре јавното обвинителство се очекува да соопшти повеќе детали за несреќата.
Премиерот Зоран Заев, денеска по посетата на повредените во сообраќајната несреќа, изјави дека истрагата за настанот е во тек, а сериозни информации се очекуваат од возачот. Рече дека детали со јавноста ќе бидат споделени кога ќе се заокружи истрагата.
Во несреќата загинаа 14 луѓе.
видео МКД.МК