(ВИДЕО) Снег падна во Хрватска и БиХ
Објавено во: Балкан 19 Април, 2017
Во делови од Хрватска и Босна и Херцеговина падна снег, а снег се очекува денеска и во Србија.
Хрватските медиуми јавија дека вчера во делови на земјата паднал снег, како и дека температурата паднала до еден степен.
Снег паѓал на врвовите на ридот околу тунелот мала Капела, како и на подрачјето на Оточац, Језерана и Брињ, додека дожд паѓал во регионите на Задар и Шибеник, каде имало невреме.
На планината Биоково во Сплитско-далматинската Жупанија уште во текот на попладнето почнал да паѓа снег, кој до вечерните часови премина во снежна виулица.
На тој планински венец поради магла не е можно да се утврди височината на снежната покривка, а тоа го отежнува и силниот ветер, кој создава снежни наноси.
Снегот во текот на вечерта почна да паѓа и на повеќе планини во БиХ, како и во Сараево. Во Сараево има сообраќаен хаос поради снегот.
Босанските медиуми јавуваат дека Федералниот хидрометеоролошки завод соопштил дека снег паѓа и на Бјелашница и во Хан Пјесак.