Добивај вести на Viber
Една од најуспешните ИТ компании Yahoo ќе треба да плати неверојатна сума на обесштетување заради отказ. Според компанијата специјализирана за компензации Екилар, отпуштањето на директорот на одделот за маркетинг Енрике де Кастро, може да ја чини компанијата дури 109 милиони долари! Во оваа сума е вклучена отпремнината и сите плати и бонуси кои ги зел Де Кастро за време на неговата кратка 15-месечна кариера во Yahoo.
Неговото вработување од самиот почеток се покажало како грешка, затоа што тој воопшто не придонел за раст на рекламните приходи на компанијата. Извршната директорка на компанијата Мариса Мајер, која сама го донела Де Кастро од Гугл како нејзин најблизок соработник, ја призна грешката во соопштение за вработените.
„Донесов тешка одлука дека нашиот директор на маркетинг Енрике де Кастро мора да ја напушти компанијата“, признала Мајер, која веќе започнала да бара негов наследник.
Во видеото, погледнете ја презентацијата на Енрике де Кастро, која познавачите ја оценија како една од најлошите презентации што некогаш ја виделе.
http://www.youtube.com/watch?v=qymAxVYABnc