(ВИДЕО) Поради заменети бебиња на раѓањето, милионска отштета за семејствата
Објавено во: Мои пари 10 Февруари, 2015
Приватна клиника која на самото породување ги заменила бебињата ќе мора да плати два милиони евра отштета на семејствата.
- „По толку години, конечно, грешката е признаена“, изјави Софи Сопрано, една од мајките на бебињата. Таа притоа вели дека и олеснило по пресудата, бидејќи спротивната страна, семејството на другото бебе ја сметаше за делумно одговорна за грешката. Клиниката и осигурителната компанија ќе треба да платат по 400.000 евра за секое од заменетите деца, 300.000 за тројцата родители и по 60.000 евра за трите браќа и сестри. Основниот суд од Грас, ја осуди Меѓународната Клиника од Кан и нејзината осигурителна компанија да плати отштета поради претрпена штета како последица на исполнување на обврска за постигнување на резултат. Приказната започна на 4 јули 1994 година, кога Софи Серано се породи и донесе на свет едно девојче кое се вика Манон. Погодена од бебешка жолтица, таа е ставена во инкубатор со УВ лампа, заедно со едно друго бебе, кое се раѓа ден подоцна. Подоцна од невнимание една негувателка ги заменува и им ги дава погрешните бебиња на родителите. Родителите ја откриваат грешката на персоналот кога Манон има десет години. Таткото бара ДНК тестови за да се докаже неговото таковство, погоден од фактот дека неговата ќерка не личи на него, што предизвикува и тензии во семејството, обвинувајќи ја сопругата за неверство. По тестот и мајката открива дека не е нејизната биолошка мајка. Еден од адвокатите на клиниката грешката за размената на бебињата ја фрли врз негувателката која била според адвокатот „хронична алкохоличарка“.