(ВИДЕО) ОВА ГИ ЗАЧУДИ ЕКСПЕРТИТЕ: 150 китови се насукаа на плажа
Објавено во: Свет 23 Март, 2018
150 китови се насукаа на плажата Хамелин Беј во Австралија, на 300 километри јужно од градот Перт. Китовите утринава ги виделе рибари и веднаш ги повикале спасувачките служби.
Се работи за китови пилоти, вид познат по масовните насукувања. Австралиските власти објавија предупредување за опасност од ајкули.
Повеќе од половина од китовите умреле, соопштија австралиските власти. Операцијата за спасување сѐ уште трае.
„Тежината на китовите и временските услови ни ја отежнуваат работата. Дефинитивно ќе ни ги отежни напорите да ги вратиме китовите во морето“- изјави Џереми Чик од Одделот за паркови и дивина.
Не се знае која е причината за насукувањето на китовите.Најчесто се движат во длабоките води, а дел од научниците веруваат дека постои поврзаност на насукувањето со инфекциите и паразитите кои влијаат на работата на нивниот мозок и ин штети на оријентацијата во морињата.
Во 1996 година во Австралија се насукаа 320 китови.
Heartbreaking scenes as more than 150 whales beached themselves in WA's south-west. The massive rescue effort continues to save those still alive. LATEST | https://t.co/ZbdFd8jLBL #ABCNews #ABCPerth #HamelinBay #Augusta pic.twitter.com/0jzebr90W8
— ABC Perth (@abcperth) March 23, 2018