(ВИДЕО) Откриени остатоци од исчезнатиот авион на „EgyptAir“
Објавено во: Свет 20 Мај, 2016
Откриени се остатоци од исчезнатиот авион на авиокомпанијата EgyptAir, пренесе „BBC“. Патнички авион со 66 патници исчезна од радарите вчера во 3:39 часот, додека летал над Средоземното Море, меѓу островот Карпатос и египетскиот брег.
Остатоци од авионот и лични работи на патниците се откриени на 290 километри од брегот на Александрија, пишува весникот. Информацијата е потврдена од египетските власти и авиокомпанијата, а од грчка страна потврдуваат дека се најдени тела кои пловеле по морето, како и куфери кои лебделе на површината .
Авиокомпанијата изрази сочувство на семејствата на жртвите: „Египетските авиолинии сочувстваат со семејствата на жртвите на катастрофата и изразуваат длабоко жалење за овој трагичен инцидент“, се вели во соопштението на авиокомпанијата.
Во авионот, кој има летано лет од Париз, Франција, за Каиро, Египет, имало 66 патници, од кои 30 се Египќани, 15 Французи, 2 Ирачани, останатите се од Велика Британија, Белгија, Португалија, Судан, Алжир и Чад . На летот имало 1 дете и 2 бебиња, соопштија од авиокомпанијата.
Леталото се наоѓало на 11 илјади метри висина и најверојатно се урнало. Сеуште се разјаснува причината за исчезнувањето на авионот.
[embed width="700" height="450" ]https://youtu.be/vwChm1KL44I[/embed]