(ВИДЕО) НАПАДНАТА И ПОЛЕАНА СО ВОДА: Таа на избори ќе се трка со Путин
Објавено во: Свет 05 Март, 2018
Кандидатката на претседателските избори во Русија, Ксенија Собчак вчера е нападната, полеана со вода и турната на земја.
За нападот информираа претставници на нејзината изборна кампања.
Полицијата го привела напаѓачот и го идентификувала како член на градскиот совет на Москва.
Инцидентот се случи неколку дена откако Ксенија Собчак за време на телевизиска дебата го полеа со вода кандидатот на ултранационалистите Владимир Жириновски.
Во соопштението објавено на сајтот на кампањата на Собчак е наведено дека мажот што ја полеа со вода на влезот на еден хотел во Москва кажал: „Ова е за Жириновски“.
Таа е ќерка на Анатолиј Собчак, поранешниот градоначалник на Сант Петербург и ментор на рускиот претседател Владимир Путин.
Исто така е учесничка на антивладини протести и често ја критикува власта, но главно избегнува да го критикува самиот Путин.
Жириновски е 71-годишниот лидер на националистичката Либерално демократска партија на Русија познат по ксенофобичните изјави.
На претседателските избори кои во Русија ќе се одржат на 18 месецов има осум кандидати, вклучувајќи го актуелниот претседател, Владимир Путин. Неговата победа на изборите е извесна имајќи го предвид рејтингот од над 80%.