(ВИДЕО) Хорор: Вулкан во Мексико е пред моќна ерупција
Објавено во: Свет 12 Јули, 2015
Повеќе од 800 луѓе кои живеат во регионот на мексиканскиот вулкан Колима, се евакуирани во саботата во врска со неговата постојана активност и стравувања од можна моќна ерупција, соопштија локалните власти.
Вулканот се наоѓа на територијата на државите Колима и Халиско. Го нарекуваат „огнениот вулкан“, бидејќи е еден од најактивните во Мексико - од 1576 година се регистрирани над 40 негови ерупции.
Според експертите е забележана нетипично висока активност на вулканот, која многу наликува на неговата состојба во 1913 година, кога била најсилната ерупција во историјата на Колима. Тоа е посилно и од зголемената активност во 2006 година.
При набљудувања е забележано дека потоците на лава продолжуваат да се собираат на падините и веќе достигнаат околу 9 километри од кратерот. Ова е причината за евакуација во радиус 12 км.
Затворен е и националниот аеродром во Колима за приватни и комерцијални летови.
[embed width="700" height="450" ]https://youtu.be/UGPJA4HbKZ8[/embed]