(ВИДЕО-ФОТО) ВЕЧЕРВА: Започнува седумдневниот карневалски ритам во Струмица
Објавено во: Мои пари 18 Февруари, 2015
Од вечерва Струмица живее во седумдневен карневалски ритам кој на домашните и странските гости ќе им понуди богата програма и незаборавни карневалски доживувања.
Во прилог на ова е и потврдата на 22 групи кои доаѓаат од Црна Гора, Србија, Хрватска, Словенија, Бугарија и Турција и ќе учествуваат во карневалската поворка на главната интернационална вечер на 21 февруари.
Според Александар Цицимов, претседател на организациониот одбор на карневалот, ова е одлична бројка на учесници од странство, кои заедно со домашните ќе понудат уште едно прекрасно карневалско издание.
Детскиот маскенбал кој ќе се одржи вечерва е првата понуда со која стартуваат годинашните карневалски празнувања, а ќе завршат на 25 февруари. Струмичкиот карневал има вековна традиција, а годинава одбележува 25 години од обновената организирана форма на неговото одржување.