(ВИДЕО) Џамбаски oд срцето на Скопје: Да живее обединетата и неделива бугарска нација, од Охрид до Црно Море

Добивај вести на Viber

Бугарскиот европратеник Ангел Џамбаски од Скопје денеска порача „да живее бугарска Македонија“. 

Тој дојде во земјава по повод одбележувањето на 95-годишнината од смртта на  Мара Бунева. Европратеникот се заблагодари на сите кои се вложиле за како што рече слободна бугарска Македонија и обединета Бугарија. 

„Им благодарам и им честитам на сите бугарски националисти, патриоти и патриоти, од сите политички, младински и културни и просветни организации, со кои денеска бевме на кејот на Вардар, во одбрана на македонските Бугари. Да живее обединетата и неделива бугарска нација, од Охрид до Црно Море и од Дунав до Бело Море. Да живее бугарска Македонија. Да живее Бугарија!“, вели тој. 

Ова не е првпат тој да провоцира. Истиот наратив го користи долго време. 

За делото на Мара Бунева, свој став сподели и екс премиерот Љубчо Георгиевски. 

Со реакција за настанит се јави и ВМРО-ДПМНЕ. Партијата ги осудува негаторските и асимилаторски пароли кои се навреда за чувствата на Македонците искажани денес среде Скопје при панихидата на Мара Бунева.

„Ваквите изјави со кои се негира Македонија се последица на предавничките политики на СДС и Ковачевски. Уште посрамно е што за сето ова молчат државните институции, затоа што Бујар Османи и ДУИ како и Ковачевски и СДС се фокусирани кон криминал и тендери, наместо кон одбрана на државните интереси. Негирање на Македонија, во главниот град на Македонија е придобивката од политиките на Ковачевски, СДС и ДУИ. Џамбаски е дијагнозата со која СДС и Ковачевски ја донесоа во Македонија со својата безлична и предавничка политика. За да им поминуваат криминалите, СДС и ДУИ се попустливи кон секој кок има аспирации кон Македонија“, стои во соопштението.