(ВИДЕО) Двајца повредени во протести во Приштина, се судрија полицијата и демонстрантите

Добивај вести на Viber

Косовската полиција со солзавец и водени топови успеа да ги спречи демонстрантите да стигнат до владата и собранието во центарот на Приштина, за време на протестите организирани од движењето „Самоопределување“.

Двајца се повредени, а според косовските медиуми повреден е и шефот на „Самоопределување“ Висар Имери.

Инцидентите почнаа откако претставник на „Самоопределување“ Дардан Муличај и постави ултиматум на полицијата во рок од 15 минути да ги тргне барикадите поставени пред зградата на владата, каде се распоредени си специјалните единици, зашто станувало збор за мирни протести.

„Ние не сме дивјаци и не е потребно толкаво обезбедување. Бараме Трепча итно да стане јавно претпријатие“, вели Муличај.

Демонстрантите бараат и смена на министерот за враќање и заедници, Александар Јаблановиќ зашто демонстрантите што на Божик во Ѓаковиќа спречија да минат автобуси со раселени Срби ги нарекол „дивјаци“, како и комбинатот Трепча итно да стане јавно претпријатие, на што се спротивставува владата на Србија и политичките претставници на Србите од Косово.

Демонстрантите носат пароли „Без Трепча нема држава„, „Трепцча е наша, а не српска“, „Иса (премиерот на Косово Мустафа) е слуга на Србија“, „Хашим (првиот потпретседател на владата Тачи) во затвор“ и други.

Министерот Јаблановиќ на вчерашната седница на Владата нагласи дека неговата изјава била погрешно разбрана.

На протестите во саботата, демонстрантите ја каменуваа зградата на косовската влада, при што беа повредени 19 полицајци и четворица цивили, а приведени 22 демонстранти.