Верувале или не, еврото повторно е во мода

Добивај вести на Viber

Тригодишното лизгање на еврото изгледа е пред крај. За прв пат, од средината на 2014 година, аналитичарите прогнозираат дека вредноста на еврото ќе расте а нема да паѓа.

Технички гледано, тоа значи дека инвеститорите имаат поинаква позиција и опции за договори во евра, што било ретка глетка во последните неколку години.

По мирното тргување во текот на претпладнето, еврото зајакнало 0,3 проценти до пладне на 1,0973 долари на азиското тргување, додека аналитичарите нагласуваат дека потенцијалното ниво кое единствената валута ќе го помине оваа недела е 1,10 долари.

Доларскиот индекс, кој ја мери вредноста на доларот во однос на корпата шест главни валути, паднал 0,3 проценти во однос на претходниот ден, на 99,877 поени.

Ова некогаш бил голем раст и тоа како поволен за општото расположение меѓу трговците.

На растот на еврото му помогала и победата на Емануел Макрон, кој најавил реформирање на економијата, со што се поттикнати и шпекулациите дека ЕЦБ би можела наскоро да престане со некои стимулативни мерки.

Протокот на пари во еврозоната го турна еврото на највисоко ниво во последните шест месеци во однос на доларот. Ризици и понатаму има многу, како што се претстојните избори во Германија и Италија, и тоа ќе бидат нови тестови за еврото.