Велигден не ги спречи партиите да се караат без оглед на позитивните честитки
Објавено во: Македонија 15 Април, 2017
Без оглед што денес христијанските верници ќе го очекуваат Христовото воскресение, партиите продолжуваат со веќе прочитаните меѓусебни обвинувања за предавство на македонскиот народ и манипулации, без оглед што во партиските честитки имаат зборови кои се полни со простување, почитување и заедништво.
СДСМ реагираше на интервјуто на претседателот Иванов за „Виенер цајтунг“ во кое порача дека нема да им го даде мандатот бидејќи ја прифатиле Тиранската платформа со која се загрозува унитарноста на Македонија. СДСМ му пирача на Иванов да не се однесува тирански кон својот народ само за да задоволи на еден човек и неговата фамилија да ги реализираат нивните криминални платформи.
Од ВМРО-ДПМНЕ пак, не останаа покуси и излегоа со соопштение во кое ја обвинуваат СДСМ за манипулација на својот народ и за време на празниците.
„СДС е партијата која е подготвена по секоја цена да се добере до власт, па дури и да реализира насилно сценарио за погазување на волјата на граѓаните, јасно изразена на избори“ стои во соопштението на ВМРО-ДПМНЕ.