Велес завиен во црно: Малечката Тамара не издржа
Објавено во: Мои пари 09 Февруари, 2015
Тамара Димовска од Велес, девојчето кое имаше тежок деформитет на 'рбетниот столб не успеа да го дочека утрово и во 6 часот починала.
Заглавени во лавиринтите на македонското здравство и чекајќи надлежните да одобрат операција во странство на државна сметка, состојбата на малата Тамара се влоши.
Пред една година лекар од Хрватска и ја отстранил металната шипка што ѝ била прикачена за грбот. Причина за тоа било што шипката станала прекуса за нејзината висина и правела дополнителни проблеми. Фондот за здравство одбил да ги покрие трошоците за лекување во странство со образложение дека операцијата може да се направи во Македонија. Семејството тврди за Телма дека тројца раководители на одделенија од Клинички центар се потпишале дека операција тука не е можна бидејќи освен стручност, потребна е и апаратура која ја нема во земјава.
Првата операција на Тамара беше извршена пред две години во Македонија, а втората која девојчето не ја дочека требаше да биде извршена во Турција.