Добивај вести на Viber
Папата Фрањо ги поздрави „малите чекори“ на дипломатија кои доведоа до објавувае на новите политики помеѓу САД и Куба.
„Денеска сите сме среќни бидејќи видовме двајца луѓе кои толку долго време беа далеку еден од друг, но го направија првиот чекор еден кон друг“, истакнал папата во своето прво обраќање во јавноста по постигнувањето на историски договор на претседателите на Куба и САД, Раул Кастро и Барак Обама.
Обрајќајќи се пред групата амбасадори при светата столица, Фрањо рекол дека дипломатијата е „прекрасна работа...работа во мали чекори, и мали работи, кои на крајот доведуваат до мир и ги доведува човечките срца едно до друго, ширејќи братство меѓу народите“.
Според пишувањата на голем број светски медиуми, токму папата Фрањо одиграл клучна улога во приближување на довчерашните непријатели, испраќајќи изминатото лето писма до Раул Кастро и Барак Обама во кои ги повикал да изнајдат хуманитарни причини за решавање на своите разлики.
Папата понудил токму Ватикан да биде место на кое ќе се одигра состанокот на кој бил искован договорот во октомври. Искусниот дипломат на Фрањо од висок ранг, кардиналот Петро Паролин, одиграл значајна улога во постигнувањето договор меѓу двете страни.
Кардиналот Паролин за Радио Ватикан денеска рекол дека напорите на светата столица во надминување на конфронтациите на релација Куба – Америка можеле да се забележат години наназад, но дека делувањето на Фрањо било одлучувачко.