УТРИНСКИ ФОКУС: Земјотрес на Истокот, Тереза Меј не го издржа Брегзит

Добивај вести на Viber

Пехчево и Берово се градовите во Истокот каде ноќеска половина час пред 20 часот е регистриран послаб земјотрес.

Магнитудата била 2,7 степени по Рихтер а епицентарот северозападно од Пехчево.

* Синдикатот контра Шекеринска за приватна агенција - Сите дојденци во МО да ги напуштат позициите

Синдикатот на одбраната и безбедноста остро се спротивставува на идејата на министерството за одбрана предводено од Радмила Шекеринска касарните да бидат обезбедувани од приватни агенции наместо од самите војници. Претседателот на СОБ Ристо Ајтов вели дека сите дојденци во МО кои не се разбираат од безбедноста веднаш да ги напуштат позициите и на нивно место да дојдат професионалци. Претходно министерката Шекеринска за Фактор откри дека се размислува да се формира и Државна компанија за обезбедување која ќе биде составена од поранешни припадници на АРМ со навршени 45 години.

*

Тереза Меј низ солзи објави кога ја напушта функцијата

Британската премиерка ќе ја напушти функцијата на 7 јуни, соопшти таа во обраќањето пред познатиот број 10 во Даунинг улицата, во Лондон.

Таа рече дека длабоко жали што не успеала да ја изнесе земјата од ЕУ. Меј изјави дека таа работа и останува на нејзиниот наследник кој ќе мора да најде консензус во парламентот.

„Сеавус“ ја „шие“ конкуренцијата: колку пари прави оваа софтверска компанија

Софтверските компании во државата книжат раст на приходите лани споредбено со 2018. Ова го покажуваат податоците од анализата на Фактор а за сите шест компании заедничко е што им расте бизнисот односно приходите од продажба, а притоа сите се во добивка, а дел од нив имаат и солидни профитни маргини.

Кај пет од шестте анализирани профитната маргина се движи од најмалку 8,6 отсто до најмногу 18 отсто

„Ван Хол“ се најде во големата тројка на странски инвестиции кои неколку години наназад работат во земјава, лани имале одлични резултати.