Добивај вести на Viber

Дводневна жалост денес и утре во Македонија, а задутре и во Гостивар поради кобната несреќа на патот Скопје-Тетово во која загинаа 14 луѓе.

Сочувства за загубените животи доаѓаат од сите страни, но болката е преголема.

Трауматична ноќ, полна со болка и тага. Нема зборови со кои би можеле да се утешат семејствата на оние кои ги изгубија животите во трагичната несреќа.

Повредени се над 30 луѓе а петтмина се во критична состојба, од кои двајца во повеќе критична. Седум лица загинале на лице место а во автобусот имало 51 патник вкупно со возачот кој ја преживеа несреќата.

Денеска на местото на несреќата кај село Ласкарци глетката е тажна. Расфрлани куфери, облека, лични документи на оние кои беа во автобусот чии остатоци денеска ќе се носат на вештачење за да се утврдува можен дефект или неправилности.

Причината на кобната незгода не е позната, а истрагата уште трае.

Очевидци раскажуваа грозни сведоштва. Спасувачите мораа да го сечат делот од автобусот за да дојдат до повредените.

-Се чувствуваше многу мирис на бензин и стравувавме дека автобусот ќе експлодира-кажа еден очевидец.

Во автобусот се наоѓаа работници кои од Скопје тргнале кон Гостивар каде живеат повеќето од нив, но меѓу патниците имаше и деца.

Надоместокот за компаниите кои ги чуваат државните резерви на нафта, а кој државата не го плаќа, но и количината на резерви што ја има Македонија - тоа се едни од клучните нерешени проблеми во енергетиката. За нив свои забелешки има и Европската енергетска заедница (ЕЕЗ). Директорот Јанез Копач од Скопје потенцираше дека ова прашање кое неколкупати се одложува набрзо треба да се реши. И ЕЕЗ очекува Министерствто  за финансии набрзо да ги донесе подзаконските акти со кои на Окта, Макпетрол и на Лукоил ќе им се плаќа компензација за чувањето на резервите.

За произведените зелени 326.700 мегаватчасовиструја лани сите ние заедно сме платиле 35,7 милиони евра. Од тие пари околу 10 милиони евра завршија во државната ЕЛЕМ, а другите 25,7 милиони евра ги поделиле 176 приватни фирми кои се привилегирани производители на струја. Меѓу нив се 3 фирми кои земале 9,5 милиони евра, а произведуваат струја од животински измет. Со произведената зелена струја за цела година лани можеле да се покријат потребите на Македонија за неполни 20 дена и тоа чини 35 милиони евра. Може ли со тие пари да се реши системски загадувањето на Скопје?