Успешен старт на криптовалутата „петро“ - инкасирани 735 милиони долари

Добивај вести на Viber

Венецуелската криптовалута „петро“, поддржана од нафтените резерви на земјата, имаше успешен старт во претпродажбата кај инвеститорите. Венецуелскиот претседател Николас Мадуро порача дека на првиот ден од претпродажбата инвеститорите купиле „петро“ во вредност од 735 милиони долари. Тој не даде повеќе деталји за првите инвеститори во криптовлутата, чија цел е заобиколување на американската финансиска блокада.

- Венецуела гарантра дека ќе го прифати ПЕТРО како средство за плаќање на државните даноци, платите, придонесите и јавните услуги, земајќи ја како референца цената на венецуелската нафта од претходниот ден - истакна Мадуро.

Во документот на венецуелската влада се нагласува дека таа е посветена на промоција на „петрото“ на домашниот пазар и дека прави напори за поттикнување на неговото прифаќање низ сетот. Венецуелскиот регулатор минатата недела порача дека планира да привлече првични инвестиции од Катар, Турција, и други блискоисточни земји, како и од ЕИ и САД. Американското министерство за финансии сепак предупреди дека таквите инвестиции ќе ги прекршат санкциите кои Вашингтон ги воведе против Каракас, кои технички ги спречуваат американските банки и инвеститори отворено да купуваат „петро“.