Уште се вештачи бегството на Груевски во Унгарија
Објавено во: Македонија 05 Октомври, 2019
Се уште се вештачи бегството на поранешниот премиер Никола Груевски во Унгарија во предистражна постапка, гласи одговорот од Обвинителството за гонење организиран криминал и корупција.
Со штура информација која ја пренесува „А1он“ од таму велат дека се преземаат дејствија во рамки на предистражна постапка и дека се побарани дополнителни податоци и се очекува пристигнување на извештаите од вештачењата на одземена техничка опрема.
Покрај сослушувањето на поврзани лица со бегството на Груевски непосредно пред да се јави на излежување на двегодишна казна затвор за случајот „Тенк“, познато е и дека Албанија не достави видеозаписи за минувањето на македонско-албанската граница, што е најспорното прашање до сега.