УШТЕ ЕДЕН ЧЛЕН НА КУМАНОВСКИОТ КРИЗЕН ШТАБ НЕГАТИВЕН: Направил два дополнителни теста за Ковид 19

Добивај вести на Viber

Раководителот на Регионалниот центар за управување со кризи, Горан Стојановски кој е член на кумановскиот Кризен штаб, на својот Фејсбук профил напиша дека направил два теста на коронавирусот, кои покажале не дека е негативен. 

Тој вели дека воопшто не бил во контакт со лице заболено од Ковид19.

„Среќната околност е во двата резултати кои денес ги добив од извршеното дополнително приватно тестирање направени во две клиники по насоки и укажувања од страна на мојот Матичен лекар кој перманентно го следи моето здравје, а пак кој во исто време и претходно согласно симптоматологијата која воопшто ја немав беше сигурен дека се работи за некаква грешка или предвид во однос на првичниот позитивен резултат. Првиот PCR тест изготвен во референтна лабараторија, како и вториот брз RAPID тест за антитела IgG и IgM се негативни и укажуваат на фактот дека нити сум дошол во контакт со инфициран од Ковид-19, ниту пак воопшто станува збор кај мене, во мојот организам за некакво си заразување со Ковид-19“, пишува Стојановски. 

На социјалните мрежи има реакции, и сомнежи за веродостојноста на тестовите. 

Градоначалникот на Куманово, Максим Димитриевски претходно објави дека тој, сопругата, и членови на неговото семејство имаат негативни тестови. 

Тестовите ги направиле приватно. 

фото Фејсбук