Унијата распределила едвај 1.500 мигранти
Објавено во: Свет 20 Мај, 2016
Европската Унија распределила само 1.500 мигранти од Италија и Грција во рамките на својата одлука да ги расели во другите земји-членки 160 000 бегалци.
Ова го објави еврокомесарот за миграцијата Димитрис Аврамопулос на прес-конференција во Брисел.
„Не можам да го кријам своето разочарување од спроведувањето на механизмот за распределба“, рече тој.
Потсетуваме дека ЕУ одлучи да воведе квоти за бројот на бегалците кои земјите-членки треба да ги прифатат. Оваа одлука не се спроведува поради приговорите од страна на голем број држави, претежно на Полска, Унгарија, Чешка и Словачка.