Унгарија оди чекор подалеку: Пушта струја на оградата со Србија

Добивај вести на Viber

Наредба да биде пуштена струја по оградата меѓу Унгарија и Србија издаде унгарската влада. Напонот е мал - 900 волти што не би можело да убие или рани сериозно човек. 

Целта е полицијата да добива навремео сигнал за секој контакт со оградата и обид за кршење на граничната ограда , пишуваат српските медиуми.

Унгарија ја започна изградбата на оградата на почетокот на годината и во мај таа беше подготвена. Оградата беше наречена "паметна", бидејќи освен што е опремена со бодликава жица, по неа се поставени и термокамери, уреди за ноќно набљудување. 

Објектот го регистрира секој обид за нелегално поминување, што треба да доведе до намалување на бројот на полицајците и војниците, кои патролираат по долгата 175 километри граница со Србија.

Во меѓувреме Австрија најави дека планира да распореди војници на границата со Италија и да ги врати граничните проверки, ако приливот на мигранти не се намали. Австрија има 750 војници и четири оклопни возила, кои се подготвени да бидат распоредени на границата уште овој викенд. Италијанската МНР повика за објаснувања од австрискиот амбасадор Рене Полицер поради оваа намера. Еврокомесарот за буџет Гинтер Ферхојген повика на продолжување на договорот за миграција меѓу Турција и ЕУ, што беше склучен на 18 март минатата година и истекува на крајот на 2017 година.

Во интервју за весникот "Ди Велт" тој рекол дека Брисел треба да додели уште 3 милијарди евра на Анкара, која ќе продолжи да се грижи да 3-те милиони бегалци сместени во кампови на турска територија. „Голем дел од оваа сума треба да бидат обезбедени од буџетот на ЕУ“, изјави Јотингер.

Над 100 000 мигранти и бегалци успеале да стигнат до Европа преку Средоземно Море од почетокот на годината, соопшти Меѓународната организација за миграција.За овој период загинале 2247 луѓе. За споредба, од јануари до јули 2016 година двојно повеќе луѓе - 231 503 стигнаа до Европа.