Унгарија ја стопира истрагата за Никола Груевски?
Објавено во: Македонија 27 Февруари, 2019
Унгарските власти ја запреа истрагата за екс-премиерот во бегство, Никола Груевски, пренесува унгарскиот портал 444.ху.
Утврдено е дека Груевски имал валидни патни документи на унгарско-српската граница и на останатите гранични премини. Тоа значи дека влезот на Груевски во Шенген зоната е во согласност со сите закони.
Кај Груевски немало никакво незаконско преминување на границата, пишуваат унагрските медиуми.
Груевски лани избега во Унгарија, за да не оди во затвор за случајот „Тенк“, а потоа неколку пати се обрати преку својот Фејсбук профил, но имаше и интервјуа за македонски и српски медиум.