УБИЈЦИТЕ НА ДАНКА ЗАБОРАВИЛЕ НА УШТЕ ЕДЕН ДЕТАЉ: Лоцирани беа на која локација колку време се задржале

Добивај вести на Viber

Убијците на Данка Илиќ мислеле дека направиле совршено злосторство, но заборавиле еден важен детаљ. 

Срѓан Јанковиќ (50) и Дејан Драгијевиќ (50) од околината на Бор, признале дека ја прегазиле двегодишната Данка, а потоа се обиделе да ѝ го скријат телото и покрај тоа што мислеле дека имаат совршен план, не го зеле предвид фактот дека и делото и криењето на телото се извршени во службеното возило, во кое е вграден GPS, пишува Nova.rs.

Работниците на борското јавно комунално претпријатие „Водовод“ Срѓан Јанковиќ (50) од село Лука и Дејан Драгијевиќ (50) од село Злот се осомничени дека сториле кривично дело тешко убиство, удирајќи ја Данка на 26 март во Бањско Поле во службената „фиат панда“, која ја управувал Драгијевиќ. Тогаш Јанковиќ, го ставил нејзиното тело во задниот дел од автомобилот.

Потоа наместо да го однесат детето во најблиската здравствена установа или да се јават во итната помош и полиција, тие смислиле план да го сокријат телото на девојчето и да молчат за делото. Тие со возило се упатиле до ѓубриштето на Старобањски пут, каде што го фрлиле телото на девојчето.

Очигледно не биле свесни за фактот дека цело време имале GPS локатор во нивниот автомобил, што го олеснувало одредувањето каде се наоѓаат, колку долго престојуваат на одредени локации. Бидејќи безбедносните камери снимиле дека тие биле во Бањско Поле на кобниот ден на исчезнувањето на детето, полицијата набрзо дошла кај нив да собере информации за тој ден, а потоа им е извршена полиграфска проверка. И двајцата одговарале на полиграфски тестови.

Додека траела потрагата по Данка Илиќ во Бањско Поле, нејзиниот татко наишол на возилото „фиат панда“ на работниците во јавното комунално претпријатие, прашал дали го виделе детето, на што тие одговориле негативно.

Откако се појави видео снимено во Виена, на кое се гледаат две жени и дете кое личи на Данка, убијците си размениле смс порака со која си пишуваат дека  се извлекле.