Убер Меркел - По четврти пат канцелар на Германија
Објавено во: Свет 04 Март, 2018
Германија во наредните четири години ќе ја предводи голема коалиција, составена од партиите на Унијата (ЦДУ и ЦСУ) и СПД, која ќе работи под раководната палка на канцеларката Ангела Меркел.
„Им честитам на СПД на јасниот резултат за продолжување на заедничката сорабтка за доброто на нашата држава“ порача Меркел на страницата на Христијанско-демократската унија на Германија на Твитер.
Гласањето заврши по шесте месеци неизвесност во германската политика.
Членовите на СПД, според денеска соопштените резултати во
централата на партијата во Берлин, со 66,02% се изјаснија „за“ голема
коалиција, а 33,98% беа „против“.
Ако околу 464.000-те членови на СПД не ја поддржеа коалицијата, опциите беа или нови избори или првата малцинска влада во германската поствоена историја.