Уапсен Французин со турско потекло - му помагал на напаѓачот од Реина?
Објавено во: Балкан 14 Февруари, 2017
Полицијата го уапси лицето А.С. за кое постои сомневање дека планирало напад на новогодишната ноќ во клубот „Реина“ во Истанбул, каде терористот Абдулгадир Машарипов уби 39 лица и рани 69 лица.
Тој е уапсен во операција на полицијата во Истанбул. Бил регистриран како жител на Анталија, но имал и француско државјанство, пишува весникот „Стар“, кој се повикува на соопштение на полицијата во градот Бурдур.
Истрагата ги разоткрила неговите траги од договорот за наем на апартман во квартот Есенјорт, каде на 17 јануари беше уапсен Машарипов.
А.С. живеел во Франција од 2009 година. На 10 јануари обвинителството во градот Бурдур почнала истрага против него и врз основа на собраните податоци за врските со Машарипов тој е уапсен во Истанбул.
Машарипов беше уапсен на 16 јануари, две недели откако го изврши масакрот за кој одговорноста ја презеде организацијата „Исламска држава“.