Турција ќе ги отвори границите - по колку мигранти ќе пушта кон Европа?
Објавено во: Балкан 29 Ноември, 2016
Според високи претставници на грчкото разузнавање, Турција планира тајно да ги отвори границите и да помогне на над 3 000 мигранти дневно да заминат кон Грција.
Според планот, откриен од грчкиот весник „Прото Тема", најмалку 3 000 ќе се илегалните мигранти кои ќе се собираат на грчките брегови секој ден. Весникот се повикува на информациите на високи функционери од националните разузнавачки служби кои споделиле дека шемата ќе влезе во сила во рок од неколку недели. Локални набљудувачи тврдат дека илјадници ги има веќе по западното крајбрежје на Турција, од каде сириските бегалци се подготвуваат да се упатат кон Грција. Цитираните извори на весникот тврдат дека планот веќе има одобрение од претседателот на Турција, Реџеп Таип Ердоган. Пред неколку дена за време на својот говор во Истанбул, тој дури упати отворена закана дека ќе ги отвори границите.