Добивај вести на Viber
Хрватската Влада го одобри проектот за експлоатација на Јадранот во пронаоѓање на гас и нафта кое треба да се спроведува на десет локации во хрватскиот територијален дел од Јадранското море.
Со одлуката на Владата дозвола за ова истражување и експлоатација добиле пет компании – Маратон Оил, ОМВ, Ени, Медоилгас и Ина, наведуваат хрватските медиуми.
Крајниот законски рок за потпишување на договорот е три месеци од издавање на дозволата и истиот истекува на втори април, а проценетата вредност на сите истражувачки работи изнесува околу половина милијарда евра.
Одлуката за доделување дозвола била донесена одма по првиот јавен конкурс за истражување и експлоатација во Јадранот, кој траеше до трети ноември минатата година, а на кој се пријавија шест компании за петнаесет локации за истражување.