Ципрас најсиромашен во грчкиот кабинет
Објавено во: Балкан 12 Мај, 2016
Премиерот на Грција Алексис Ципрас е најсиромашниот член на кабинетот, според поднесените даночни пријави на грчки политичари.
Податоците објавени на сајтот на грчкиот парламент, покажуваат дека некои од министрите во управувањето имаат приходи за изминатата фискална 2015 година во износ од половина милион евра, како и сметки во американски долари и фунти.
Лидерот на левата СИРИЗА објавил годишен приход од 69 000 евра, депозити за 7000 евра, стан од 114 квадратни метри и 625-кубиков мотор.
Претседателот на државата, Прокопис Павлопулос пак пријавил приходи од над 80 000 евра.
Лидерот на главната опозициска партија „Нова демократија“ Кириакос Мицотакис рекол дека поседува приходи од 81 600 евра, 19 недвижнени имоти на островот Крит, депозити, акции и еден автомобил.
Приходите на Панос Каменос, лидер на коалицискиот партнер на СИРИЗА „Независните Грци“ и министер за одбрана, како и неговата сопруга соопштиле за вкупно 180 000 евра. Тие исто така поседуваат и неколку недвижни имоти.
Најбогат меѓу политичарите во Грција е лидерот на неонацистичката „Златна зора“ Никос Михалолијакис, кој заедно со сопругата информирале за приходи од над половина милион евра.