Тројца криминалци со лажните македонските пасоши поминале на скопскиот аеродром и Деве Баир

Добивај вести на Viber

Најмалку тројца криминалци со лажните македонските пасоши поминале на скопскиот аеродром и Деве Баир. 

На крајот на јануари 2020-та го добил пасошот на име Ѓерѓи Каце, а педесет дена подоцна преку Деве Баир излегол од државата со истиот тој оригинален македонски пасош, но со украдени лични податоци од македонски државјанин од Пустец, па во мај учествувал во атентат на српско-црногорски криминалец од ривалскиот клан во Украина. Ова патешествие на Црногорецот Стефан Ѓукиќ заврши со апсење уште пред 11 месеци, а истрагата Двојник ја тера втората недела под двојно име, покрај регуларното опозицијата го нарекува случајот Мафија, пренесува Телма.

Во случајот „Двојник“ беше открено дека лица кои работеле во управните одделенија на МВР, издавале пасоши на странци кои се занимавале со криминал. За таа цел краделе идентитет од македонски државјани. 

Полицијата распиша меѓународна потерница за осомничен во случајот „Двојник“. Во случајот со издавањето македонски пасоши осомничени сè уште 10 лица. Од нив, шест се во притвор за овој случај, додека еден осомничен од претходно е во притвор во постапка кој се води за незаконско издавање возачки дозволи. Со крадење на туѓ идентитет, 215 луѓе, од кои 214 се странци се здобиле со македонски пасош. Меѓу нив се наркодилери, криминалци, лица од висок ризик.