Трамп предизвика прв дипломатски скандал со Кина
Објавено во: Свет 03 Декември, 2016
Првите официјални тензии меѓу Доналд Трамп и Кина веќе се факт, откако американскиот милијардер дури уште не стапил официјално на должност како претседател на САД.
Причината - изјава на Трамп дека добил честитки за победата на изборите од тајванскиот државен шеф Цаи јин-вен. Разговорот на Трамп со Цаи е прв ваков контакт со Тајван од новоизбраниот претседател или вршител на должноста претседател на САД, откако претседателот Џими Картер ја усвои политиката „една Кина“ во 1979 година.
Поради тоа што се случило веќе има официјална реакција од Пекинг. Таа сепак беше насочена прво против Тајван.
„Јас не мислам дека тоа ќе ја промени политиката „една Кина“, за која Владата на САД инсистира со нејзината примена во текот на годините. Принципот „една Кина“ е пресвртница во здрав развој на кинеско-американските односи, и ние не сакаме никаква интервенција или исчезнувањето на оваа политичка основа“, рече кинескиот министер за надворешни работи Ван И.
Подоцна Кина официјално испрати дипломатска нота со протест поради случајот.
„Нема промена во нашата долга политика по кинеско-тајвански односи“, изјавил за AFP портпаролот на Националната безбедност на Белата куќа Емили Хорн. „Ние остануваме цврсто посветени на нашата политика „една Кина“, базирана на три заеднички соопштенија и законот за односите со Тајван. Нашиот главен интерес е за мирни и стабилни кинеско-тајвански односи“, додаде таа.
Самиот Трамп исто реагираше на кренатата бучава со нова порака на Twitter. „Интересно е како САД му продаваат на Тајван воена опрема за милијарди долари, но јас не можам да го прифатам оздравен повик“, напиша тој.