Тортевски: Во СЈО ги следеле кога влегле, излегле, со кого се сретнале и со кого ручале
Објавено во: Македонија 23 Јануари, 2020
Адвокатот Александар Тортевски, кој своевремено извесен период беше ангажиран како советник на некогашното Специјално јавно обвинителство, смета дека поранешните специјални обвинители треба да останат ангажирани на предметите кои почнале да ги водат додека постоеше СЈО.
Во вчерашното гостување на Телевизија 24, Тортевски рече дека никому не треба да му биде проблем што вработените во некогашното СЈО „ќе се вдомат“, бидејќи тие луѓе своевремено си ја ставале главата во торба.
Тој откри и за тетратката која беше пронајдена, а која ја пополнувал поранешен вработен во ДБК.
„Во таа тетратка беше точно наведено и запишано кој од СЈО кога влегол, кога излегол, каде отишол, со кого се сретнал, со кого и каде ручал, буквално им се следел секој чекор на тие луѓе. Тоа беше за време додека се уште владееше ВМРО-ДПМНЕ. Многу е непријатно да дознаете дека така сте биле следени“, рече Тортевски.
Тој се осврна и на бонусите кои ги добивале поранешните специјални обвинители, за кои доживеаја критики во јавноста, а неговиот став е дека „кој е тој вработен што ги враќа бонусите кога ќе му ги даде неговиот шеф“, а со оглед и на фактот што често работеле до 6 или дури и до 7 часот наутро.
Можеби ќе ве интересира
ФАКТОР НА ДЕНОТ: Мицкоски вели дека ВМРО-ДПМНЕ има 61 пратеник
ГРЧКИ МЕДИУМИ: Идниот премиер на Северна Македонија ја следи линијата на Силјановска Давкова
ТОШКОВСКИ: Mакедонската јавност во наредниот период ќе види многу интересни случаи
МИЦКОСКИ ДО ГРЦИЈА: Ако тие мислат дека ние сме го прекршиле договорот тогаш постои Меѓународен суд за правда
MИЦКОСКИ: Покрај 58 пратеници на коалицијата, имаме консолидирано точно 61 пратеник
ДИМОВСКИ РАСПАЛИ ЗА ЕУ И МИЦОТАКИС: ЕУ бара од нас да веруваме во нејзината посветеност за брзо пристапување на регионот во ЕУ?Чудно, нели?
УТРОВО ПОСТАР АДВОКАТ ПОЧИНАЛ ВО ГРАЃАНСКИОТ СУД - Митровски: Ова е стресна професија која секојдневно зема данок
ВРЕДИ СО ТУЖБА ДО УПРАВНИОТ СУД ПРОТИВ ОДЛУКАТА НА ДИК: и ДУИ најавува за сите седум места каде е поништено гласање
