Добивај вести на Viber
На што се должи падот на невработеноста? На реално вработување, на регистрирање на црната вработеност или на иселеувањето. Експерите ќе речат на се по нешто.
Постојаното намалување на бројот на невработени луѓе доведе до тоа невработеноста од 38 отсто во 2006 година сега да биде 24,5 отсто. Според податоците на статистика невработеноста рамномерно се намалува во сите региони.
Податоците покажуваат дека имаме намалување на невработеноста во сите македонски градови и села, што навистина е добар податок, вели владиниот портпарол Александар Ѓорѓиев.
Експертите сметаат дека намалување на невработеноста главно се должи на два неекономски фактори. Првиот е иселувањето, особено иселувањето на младите лица, а вториот е што се регистрираа диво вработените. Третиот фактор е економски и се должи на отворениет инвестиции во слободните економски зони.
Еден од факторите кои имаат рефлексија на состојбата со намалување на невработеноста е токму
одливот на работоспособно население во странство.
“Сметам дека одливот на работоспособно население има удел врз вкупната состојба на пазарот со работна сила, а со тоа и врз стапката на работоспособно население, која е основа за пресметка на вработеноста и невработеноста. Имено доколку стапката на работоспособно население се намалува, тогаш се намалува и основата за пресметка за вредностите за невработеноста и вработеноста“, рече неодамна професорот Ванчо Узунов.
Економскиот аналитичар Бранимир Јовановиќ смета дека главната причина лежи во
регистрирање на диво вработените, односно во намалување на стапката на сива економија.
Инаку, најголем број од вработените на црно во изминатиов период ја искористија шансата за вработување преку субвенции од „Македонија вработува“.
Третата причина е економска и таа се должи на
странските инвестиции. Иако бројката не е голема, се зборува за околу 13 илјади луѓе, тие сепак се вработени во фабрики од каде земаат плата.