Тимот на ИРЛ ја доби првата награда за истражувачко новинарство од Европска Унија за сторијата Урбани атентатори
Објавено во: Мои пари 22 Октомври, 2020
Aмбасадорот Дејвид Гир денеска ги додели наградите од Европска Унија за истражувачко новинарство за стории објавени во 2019 година, при што првата награда припадна на „Investigative Reporting Lab Macedonia“ (ИРЛ) за сторијата „Урбани атентатори“.
Втората награда заеднички ја освоија Миомир Серафиновиќ, Билјана Николовска и Снежана Лупевска Созен за нивната сторија на ТВ Код „Убиства во Кичево – осуден на доживотна казна и прогласен за виновен за убиство што не го сторил“.
Третата награда е за Петар Клинчарски за неговата сторија на ТВ програмата 360◦ „Денационализацијата заглавена во корумпираност и неспособност на институциите“.
Наградата е продолжение на регионалната „Награда од Европската Унија за истражувачко новинарство“ во земјите од Западен Балкан и во Турција и е дел од тековниот проект „Зајакнување на квалитетните вести и независното новинарство во земјите од Западен Балкан и во Турција“, администриран од Балканската истражувачка репортерска мрежа (БиХ) во партнерство со седум медиумски организации.