ТЕНЗИИТЕ ТРААТ: Кина му се заканува на Трамп за автогигант

Добивај вести на Viber

Кина наскоро ќе изрече казна на еден американски произведувач на автомобили поради монополистичко однесување, пишува државниот весник „Чајна дејли“.

Весникот се повикува на изјавата на висок функционер задолжен за планирање кое не обелоденува за која фирма се работи.

Како што пренесе Ројтерс веста за казната доаѓа во чуствителен период за кинеско-американските односи, откако новиот американски претседател Доналд Трамп ја доведе во прашање долгогодишната американска политика „една Кина“, според која се признава дека Тајван е дел од кинеска територија.

Пекинг смета дека Тајван не е независна држава , туку отцепена кинеска провинција, која има автономна власт.

Кинески истражни органи, како што пишува весникот, утврдиле дека американска компанија им давала инструкции на продавачите да ги фиксираат цените почнувајќи од 2014 година, изјавил Џнаг Хандонг, директор на канцеларијата за надзор на цени на Кинеската комисија за национален развој и реформи.

Во интервју за Чајна дејли , Џанг рекол дека никој не би требало „непримерно да ја толкува“ должината на траење или целта на казната.

Кина, најголемиот светски автомобилски пазар, стана клучен за креирање на стратегија на авто-компании ширум светот, вклучувајќи и големи американски играчи како што се „Генерал моторс“ и „Форд мотор“, наведува Ројтерс,

„Не знаеме ништо за тоа прашање“, рекол Марк Траби, главниот портпарол за азиско-пацифичко работење.

ГМ во соопштение наведува дека „компанијата во целост ги почитува законите и другите прописи каде и да работи“, и дека “не ги коментира медиумските нагодувања“.