Телеком Австрија со целосна сопственост над операторот Вип
Објавено во: Економија 11 Ноември, 2017
Австрискиот телекомуникациски гигант Телеком Австрија стана доминантен сопственик на македонскиот мобилен оператор Вип откако го откупи и преостанатиот удел од Телеком Словенија.
Според информациите на словенечка берза Телеком Австрија платил 120 милиони евра за да го презеде сопственичкиот дел од 45% во заедничката компанија Оне.Вип која се формираше откако се споија двата мобилни оператори Оне и Вип.
Со купувањето на преостанатите 45 отсто од досега заедничката компанија „Оне.ВИП“, австрискиот телеком станува стопроцентен сопственик на операторот.
Компанијата беше формирана на 1 октомври 2015 година, кога беше напоменато дека останува можност Телеком Словенија да се повлече од заедничката зделка.
Доминантен сопственик на Телеком Австрија е Америка Мовил, компанија на Мексиканецот Карлос Слим, еден од најбогатите луѓе на светот.