Тасева: Во преговорите со ЕУ ќе мора да се знаат вистинските сопственици на компаниите и ќе има оставки
Објавено во: Економија 28 Јули, 2018
Професорката и експерт за борба против корупција Слаѓана Тасева тврди дека во моментот кога Македонија ќе почне да преговара за членство во ЕУ по директивите за “перење пари” и финансирање тероризам во Македонија, ќe мора да има оставки на високи позиции во Владата, како што вели таа, бидејќи во преговорите со Унијата се бара да се дознаат вистинските сопственици на компаниите.
“Ајде да видиме, сега новиот закон за спречување перење на пари и финансирање на тероризам ги обврзува сите финансиски институции да ги идентификуваат вистинските сопственици на компаниите. Треба да има регистар на вистинските сопственици. Ова се само дел од Директивите на ЕУ. Кога овие преговори ќе почнат се ќе се знае. И ќе има оставки”, вели Тасева.
Таа го критикуваше и одговорот на премиерот Зоран Заев на пратеничко прашање дека немало кадар и затоа не барал оставки од инволвираните функционери директно и индиректно поврзани со претпријатија кои добија грантови од Фондот за иновации.
“Ама што ќе правиме за кадар. Јас постојано тврдам дека Македонија има капацитет
ама бев денантирана од највисоко место. Нема полошо од тоа премиер сам да тврди
дека нема (други) компетентни освен тие што се со него. Ние треба да им веруваме
иако фактите зборуваат поинаку. Како и во овој текст на Владо Апостолов“, посочува
Тасева.