Таравари: Среќен сум што Тодоров и неговиот тим се здрави и живи
Објавено во: Македонија 01 Јуни, 2017
Новиот министер за здравство Арбен Таравари изрази жалење за инцидентот кој му се случи на неговиот претходник Тодоров и истакна дека нема да се брза со примопредавањето на функцијата.
- Денес требаше да се видиме со господинот Тодоров во 12.30 часот, меѓутоа се случи тоа што се случи. Многу сум среќен дека тој и целиот негов тим се здрави и живи и добри и не се воопшто повредени. Примопредавањето ќе го направиме кога тие ќе бидат подготвени, ќе ми се јават и ќе одиме – истакна Таравари.